Bloggers
Jined-up letters: a Scots metaphor
Posted by: Stuart Mudie
25 Jun 08 - 08:09
Ma wee lassie, wha's no lang tirnt five, has jist startit lairnin tae scrieve in jined-up letters at the scaill. "En attaché", they cry it here in Fraince.
"Dad," she sayz til iz the ither day, "gonnae show iz hou tae scrieve 'Daddy' en attaché?"
Whit a scunner! I had tae tell her that Daddy, him it kens awthin in his bairn's een, cannae richt scrieve in jined-up letters. Whaun I wis wee masel, I yaist tae scrieve that bad that the dominies endit up tellin iz tae gie up ma unco, ugly shot at scrievin jined-up letters and jist scrieve ilka ane on its ain instead o pentin aw thon spiders in ma jotter. So's fowk wuid ken whit I wis sayin, they tellt iz.
Noo, gin I try tae yaise jined-up letters the day (like in ma signature), it disnae come oot richt, disnae feel natural, disnae flow like it shuid fir the simple reason I nivver lairnt hou tae dae it.
And the rest o the time? Well, thank Goad fir Microsoft Word!
Latest posts
Happy St. Andro's day tae awbody! I howp naebody'd neb'll pit out o jynt by ma uisin that spellin o wir parton saunt's name - thon's whit wey ma b...
Hey aw - this is jist a wee note tae let ye aw ken that I'm aye alive, an I've no been captured by aliens or oniething syne ma hinmaist blog. I'm ...
Weil, weil - I'm back again. Sairry for no postin on here for a wee while; it's been ma Freshers' Week at the Uni, ye see, an I hae been feil thra...
This is sumthing I hae been ettlin tae pit up for wee while, but jist no got roun tae. It's jist a wee hanlte o wurds that I hear yung Edinburgh f...
YA DANCER! Ther's monie wurds in Scots that we aw luve, that's mair expressive (tae us) nor their Inglis equeivalents - dreich, snell, braw, cra...
Hello aw, howp ye ar aw daein weill an managed tae survive the hinmaist week wiout a blog frae me tae keep ye gaein. I micht be awa up tae the hei...
Hello aw, howp ye's daein weil. I stairtit readin David Lindsay's "Thrie Estatis" the ithir day, certaint ane tae be recommendit tae aw fowk (...
Hello aw, how ye hae been makkin the maist o this...this...simmer? Na, that's no the wurd, canna be... Ah, weil - I howp ye hae been makkin the ma...
I'm awa hame tae ma mither and faither's hoose fir a day or twa, and I dinnae ken if the Internet is richt plumbed in thereabouttes, sae dinnae fas...
Heya aw, howo ye'r aw daein weil. I hae faimily comin up frae Kendal the day, sae the hous is aw in an affy fankle an I ainlie hae time for a ...