Bloggers
A braw nicht, thanks tae the SLC
Posted by: Duncan
27 Jun 08 - 12:15
Hello aw, howp ye hae been makkin the maist o wit braw simmer...or the twa-thrie braw hours we hae been gettin. Michael wis sayin this wad be the year fer a bonnie simmer - but sae faur it's ainlie been sunny whan I'm warkin inbye, an whan I'm daein pentin outside it buckets doun!
It wis ma 19t birthday yesterday (I feel auld...) an I gaed out wi a frein o mine tae see "The Lost Makar - A Medieval Tapestry" at the Netherbow in Edinburgh. It wis braw, it ralley wis. Umwhile Edinburgh makar Stewart Conn read frae a series o poems he wrate anent Roull o Corstorphine, a 15t century makar wha's warks is aw tint, but wha Dunbar murned is his ''Lament for the Makaris", alang wi a tait auld musardrie frae the samen period while John Sampson gied muisical interludes on a hail range o recorders, pipes an ithir blawy-hingmies I'd ne'er heird o afore. It wis a braw e'enin that gied a rale feel o whit it maun hae been like tae be pairt o the court life in the time o James IV - a muckle, magic, maisterly mixtur-maxtur o muisic an musradrie! Sae muckle thanks tae the SLC fer giein wittins o it in their email. Gin hauf the shaws an events we'r aw telt about throu the mailin list is hauf as guid as last nicht than the SLC's daein a rale service drawin attention tae thaim.
Sang o the week: Hallowed be thy Name - Iron Maiden
God Bless,
Dunc
Latest posts
Weil, first aff I maun say "weil duin" tae Billy Kay on gettin his honorary degree frae the University of the West of Scotland (read about it i the...
...weil, I haed tae blog on it suiner or later, jist be gled it's no spellin... Ane o first things a bodie rins up agin in Scots writin is the ...
Yin day, lest weik whiles oot for a streech, A gotten fair roosed it masel is the whangs in ma buits keepit burstin an ilka time A bowlt doon tae ...
Hallo agane fae ma deck-chyre doon on the green. Its braw haein aw this guid wedder noo, thit brings back mindins tae days lang-syne whan A rin abo...
A taen a phone message the ither nicht fae a eild schuil freen whae wintit iz tae gie a haund wi a Burn’s Sipper, tae a pairtie o towerists in he...
Ok, back again - been a while syne I wis at this... Been that thrang wi this an that, ne'er got time tae sit doun tae ma blog. First, I'd like ...
Oor aw telt in the papers thit thares a “credit crunch”, an sillers scant bit leukin oot ma windae ye wadnae ken. Maist families hae twa caurs ...
Weel A haed a veesit back tae ma bairnhead toon o Embrae lest weik whan a freens dochter gaed iz a inveet tae hir feenishin exhibeetion in Embrae ...
Hallo. A'm nae yaised tae this here new-farrant wey o bletherin cawd bloggin bit A'll gie it a shottie. Oo dae ken yin anither yit bit thats nae a ...
Weil, I'm back on bloggin efter a wee whilie awa. Jist flittit twa week syne, sae aye trying tae redd out a nummer o fankles that's no richt just ...