Shaw content as English

Register with SLC

Subscribe to our news letter and keep up to date.

Make a donation to the SLC

and help preserve this language for future generations

DONATE NOW

Sponsored by

Scottish Arts Council Scottish Arts Council

Supporters of

Learning in Literature

Scots steerars crys doun 'haivers'

Categorised in: Activism Politics
Scottish money

Steerars for the Scots leid haes been tuithy ower comments made bi the TaxPeyers’ Alliance, cawin the comments “unkennin haivers”. Rod Lovie, convener o Strathisla Scots Spickers, condemned the Lunnon-steidit TaxPeyers’ Alliance for lichtin on Scotland’s leids an culturs.

The Alliance haes miscawed uphaud for Scotland’s leids an threaps that siller spent on them is wastrife, cawin Scots “slang” an Gaelic “non-essential”. Lovie said that he wis “dumfounert” that the Alliance haed made sic remarks. “Appearingly thay daena ken muckle aboot Scotland’s leids an culturs an maun be mislairit gin thay think that Inglis speakers thair lane peys taxes. Scots speakers peys taxes an aw an haes a natural richt tae expect siller back fae the public purse.”
Lovie wis supportit bi Bob Fairnie, secretar o the campaignin curn, Scots Tung. Mr Fairnie reckoned that comments bi the TaxPeyers’ Alliance representit, “the kind o narra-nebbit haivers we war in howp haed dee’d oot lang syne.”