Bloggers
Posted by: Duncan
23 May 08 - 01:18
Hello aw, howp ye hae been keipin weil ower the hinmaist week.
I hae been kepin masel busy wi wark, mainly, but also readin mair nor is guid fer me an a wee bit screivin whan I haed time. I picked up a braw buik anent St. Kilda - facinatin place, nae dout. In fack, there's a lecture anent the life an daith o St. Kilda at Greyfriars Kirk in Edinburgh this Wadnesday comin at hauf past seiven by Prof. Donald Meek. It's free, an aw fowk is walcome.
A wee anecdote cam tae mind the ithir day. A while syne I wis in a chynge-hous an there wis a callan tryin tae chat up an Inglis lassie (an wi muckle success). He speired at her "Dae ye want tae gae fer a daunner?" She answert "Oh, I'm not hungry."! I fun it gey haird no tae lauch at thon.
I'm daein sum wark the nou on startin up a Bebo group fer the SLC. Gin onie o ye hae a Bebo acount, than luik me up (ma name on there is "Tulloch Gorum") an jyne the curn!
Sang o the week - "Journey to the End" by Windir. Braw sang, bonnie melodies. I'm no a fan o electronic/ trance muisic fer ordinar, but the close o this sang is jist braw. The lilter dee'd about twa an a hauf year syne, an the end o this hinmaist album is a fittin tribute tae him.
Latest posts
Hello, hello, me again. Howp ye'r aw bearin up unner the wecht o wunter caulds, the joys o Christmas shoppin an Slade as weil as I am masel. T...
Happy St. Andro's day tae awbody! I howp naebody'd neb'll pit out o jynt by ma uisin that spellin o wir parton saunt's name - thon's whit wey ma b...
Hey aw - this is jist a wee note tae let ye aw ken that I'm aye alive, an I've no been captured by aliens or oniething syne ma hinmaist blog. I'm ...
Weil, weil - I'm back again. Sairry for no postin on here for a wee while; it's been ma Freshers' Week at the Uni, ye see, an I hae been feil thra...
This is sumthing I hae been ettlin tae pit up for wee while, but jist no got roun tae. It's jist a wee hanlte o wurds that I hear yung Edinburgh f...
YA DANCER! Ther's monie wurds in Scots that we aw luve, that's mair expressive (tae us) nor their Inglis equeivalents - dreich, snell, braw, cra...
Hello aw, howp ye ar aw daein weill an managed tae survive the hinmaist week wiout a blog frae me tae keep ye gaein. I micht be awa up tae the hei...
Hello aw, howp ye's daein weil. I stairtit readin David Lindsay's "Thrie Estatis" the ithir day, certaint ane tae be recommendit tae aw fowk (...
Hello aw, how ye hae been makkin the maist o this...this...simmer? Na, that's no the wurd, canna be... Ah, weil - I howp ye hae been makkin the ma...
I'm awa hame tae ma mither and faither's hoose fir a day or twa, and I dinnae ken if the Internet is richt plumbed in thereabouttes, sae dinnae fas...